{ SKIP }
文:MenClub 魏文青  
POSTED ON 21 Sep 2023

「鹹濕」除咗作為一種人類本能,有時更會成為推動科技發展嘅一大助力。好似當年互聯網剛開始時,唔少人就係為咗瀏覽成人內容先去學上網;而近年嘅VR技術雖然有無窮潛力,但有唔少人亦只係為咗睇「VR AV」先走買相關設備。而睇黎日本成人業界近日就開始正視呢項科技發展,除咗有專門推出「VR CG」AV嘅新片商成立外,就連大家熟悉嘅大廠「S1」都宣佈會推出首位「CG女優」。

其實「VR AV」於日本可謂行之有年,唔少知名女優都曾經出演過「真人VR」作品,亦有其他廠商推出過「動畫CG」作品。而近日就有一個名為「Meta Princess Project」嘅新片商,宣佈會推出「VR」加上「立體CG」嘅成人作品,仲創造咗一個名為「次元アイリ」嘅「立體CG女優」。「次元アイリ」除咗有完整嘅人設以及自己嘅X (Twitter) 之外,亦會轉發同「立體CG VR作品」相關嘅新聞,亦即片商係當佢係一個「真人」咁去經營。情況同日本非常流行嘅「VTuber」頗為類似。

無獨有偶地,日本大型片商「S1」亦於昨日宣佈會加入「立體CG VR作品」嘅戰團,宣佈推出CG女優「紗藤られみ」出道,而且同樣會「出演」VR作品。由於S1於作品中用上「AV出道」等字眼,睇黎佢哋亦係想將「紗藤られみ」當係一名真正嘅女優咁經營,未來可能會推出更多不同主題、設定嘅VR作品。

一個新片商嘅出現,加上一個傳統片商嘅加入,「VR」+「立體CG」嘅作品及女優或者會於未來成為常態,唔知大家又會唔會打算追貼呢個科技發展?

資料來源:AVNO1 (NSFW)

雖然話日本寫真文化源遠流長,一般大眾都對此習以為常,但普遍父母們都唔希望自己個女要靠行性感為生除咗今晚要介紹呢位「湊みそら」嘅爸爸。事關「湊みそら」之所以會入行,就係因為佢老豆大力鼓勵,但有趣嘅係到個 ...
girls
【深夜】老豆鼓勵入行但最終嚇親 「除了胸部甚麼都沒有」的「湊みそら」
01 Dec 2023
自從疫情過去,大部份國家都回歸到正常生活,但一同回歸嘅似乎仲有各類罪案。好似有唔少貴金屬、珠寶店聚集嘅東京上野御徒町,今年就至少發生四宗店舖搶劫案,當中三宗嘅犯人都成功得手,唯獨上週日一宗劫案,就因為 ...
thezone
【日本】上野貴金屬店員工用「刺股」擊退三匪徒 網民笑稱「自帶BGM 」
01 Dec 2023