{ SKIP }
文:MenClub 魏文青  
POSTED ON 17 Mar 2023

近日日本AV界可謂新聞不斷,先有三上悠亞預告引退,又有香港女生素海霖宣佈出道,而今日就輪到著名AV片商「SOD」社長因「未經許可接待營業」而被捕——不過就同大家想像中嘅有啲唔同。

據日媒報導,東京都公安委員會,就以「未經許可接待營業」之名,將SOD社長井口翔以及店長樋口剛拘捕,並同時帶走數名當時於店內工作嘅女員工,再於今日殺上SOD總公司搜索。

大家一見到「SOD」同「接待營業」,可能下意識就認為係同啲唔見得光嘅事業有關。但其實涉事嘅係自2020年就於新宿歌舞伎町光明正大地開業嘅「SOD LAND」主題樂園。SOD LAND樓高四層,主要賣點係「可以與AV女優見面」,每層都會有唔同主題,除咗可以同女優玩「色色的小遊戲」之外,最高一層更可以透過玻璃,以包括「從下而上」等角度仔細觀察身穿性感服裝嘅女優。雖然係以SOD及女優作賣點,但大致上都停留於兒童不宜嘅尺度。

案情重點就在於「接待」二字,因為按日本法例,所謂「接待」係指「以企業利益為最終目的的活動和宴會」,具體而言就係大家熟知嘅「陪酒小姐」之類嘅服務,而此類服務係受日本風俗法規所限。而SOD LAND過往就一直游走於法例邊緣,今次就應該係被日本警方認為其業務符合「接待」之定義,所以違法被捕。

事件發生後,SOD LAND亦放出公告,先表示會於明日 (3月16日) 暫停營業。隨後再指無限期暫時關閉。

資料來源:news.ntv

日本寫真界人才輩出,近日就有一位身材豐滿,樣貌可愛,甫一出道就已經被封為「最胸新人」嘅新人「三田悠貴」橫空出世。不過佢本人似乎就唔太滿意自己嘅身材,而唔滿意嘅地方,就係「心口太軟」。 ...
girls
【深夜】 抱怨心口太軟的寫真新星「三田悠貴」
27 Mar 2023
正所謂「紅唇 烈焰 極待撫慰」,女仔用上大紅唇膏時,通常都會畀人一種冶艷、強勢之感。但今日要介紹嘅呢位「石浜芽衣」,雖然都多以紅唇示人,但就明顯係走可愛路線。點解會咁?就係因為佢本人實在太可愛啦! ...
girls
【深夜】唇紅齒白超可愛 偶像成員「石浜芽衣」
23 Mar 2023