{ SKIP }
文:MenClub 魏文青  
POSTED ON 17 Aug 2022

近年大眾對於「自慰」呢個話題嘅接受度高咗好多,其中一個原因係唔少性學家、研究都指明,自慰其實係有助保持身心健康,亦會令伴侶之間嘅性愛更為滿足。不過近日一個挪威研究就證實,其實男女嘅自慰模式有非常大嘅差別。簡單黎講,就係如果男性做愛次數越多、越滿足,佢哋嘅自慰次數就會減少;但女性做愛次數越多越滿足,反而會自慰得更加多。

來自挪威奧斯陸大學嘅博士研究生Nantje Fischer,日前公佈咗一個關於男女自慰模式嘅研究結果。研究中佢搵黎4,160名年齡介乎18-89歲嘅挪威成年男女,紀錄佢哋過去一段時間內嘅自慰次數、性愛滿足度等性相關資訊。首先佢哋就發現有66%女性及84%男性都表示,過去一個月內曾經自慰過,男性平均每週自慰2、3次,而女性就平均每個月2、3次,證明不論男女,自慰都係一個非常平常嘅行為。

隨後佢哋按「自慰頻率高低」以及「性滿足度高低」將所有受訪者分成四類:「自慰頻率及性滿足度都高」、「自慰頻率高、性滿足度又低」、「自慰頻率低、性滿足度高」以及「自慰頻率及性滿足度都低」。

結果發現,如果一個女性嘅做愛次數較多、同時有比較多變嘅性行為 (換下地方、方式都計),佢哋就更容易被分成「自慰頻率及性滿足度都高」嘅組別。Nantje Fischer指,咁係代表女性視自慰為「補充性行為」,「女性自慰得多會令性愛更為滿足,同時呢個方法亦會於對性更開放嘅群組之間流傳」;但另一邊廂男性嘅情況就啱啱相反,性滿足度嘅高男性中,「做愛次數」及「自慰次數」係成反比,Nantje Fischer指咁係因為男性視兩者為「替換品」,係因為做愛唔夠多所以先自慰,做愛次數夠自慰次數就自然少。

換言之,喺一段男女性滿足度都高嘅關係中,應該係做愛次數夠多、女性自慰次數都多,但男性自慰次數較少——咁睇黎,應該大部份香港人嘅性滿足度都係低嘅?

資料來源:A Seemingly Paradoxical Relationship Between Masturbation Frequency and Sexual Satisfaction

唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022
日本陪酒女郎搵得多錢就唔係啲咩新聞,不過礙於社會大眾對於行業嘅偏見,大部份女藝人都會願意「下海」搵錢,就算真係下海都唔會講出黎。不過近日就有一名前偶像高調宣佈下海做陪酒,而且佢仲話「下海」係因為興趣! ...
girls
【深夜】純為興趣 前欅坂46偶像「志田愛佳」下海陪酒
05 Oct 2022