{ SKIP }
文:MenClub 魏文青  
POSTED ON 19 Nov 2020

「戒J」呢個話題,素來於「連登」中有一席之地,而踏入11月,亦係Reddit討論區嘅「No Nut November」戒J月。據戒J嘅支持者講,戒J可以增強體力、集中力、睪酮分泌諸如此類,總之就係好似戒毒咁對身體有百利而無一害。不過有專家就持相反意見,唔單止話戒J其實冇咁神奇,仲勸大家喺疫情期間千祁唔好戒J。

被我哋多次引用嘅美國兩性專家Dr. Lehmiller於個人網頁嘅一篇文章中說明,目前其實係冇任何研究顯示,戒J係對人體健康有任何正面影響,甚至我哋聽慣聽熟,運動員於比賽前要禁慾嘅習慣,Dr. Lehmiller都話係冇科學根據。換言之戒J本身除咗減少廁紙用量,基本上冇咩好處。

但另一方面,定期打J反而係對人體有好處。Dr. Lehmiller指過去曾有研究指出定期高潮及射精,能夠減低男性患上前列腺癌嘅風險;而女性定期自慰亦可以減輕經痛嘅狀況。另外亦有研究指自慰能夠減輕頭痛、背痛等慢性痛楚。

而除咗生理上嘅好處,自慰對心理亦有正面影響,例如唔少人會不自覺地將自慰當成減壓嘅方法之一,亦有研究顯示係有效嘅。另外亦有研究指女性同樣會用自慰作減壓方法,並真係有助減輕壓同更容易進入睡眠。

而正正就係自慰有減壓嘅作用,喺呢個大家都因為疫情而累積大量壓力嘅情況下,就唔應該強行戒J,令自己失去一個有效嘅舒壓方式,甚至應該加以鼓勵,希望大家幫助大家減壓。

資料來源:Lehmiller.com
日本Twitter經常都會有不同嘅Hashtag挑戰,唔知邊個發起一個主題然後就大家一齊參與,而近日最Hit嘅就係「#全日本失敗寫真協會」。呢個協會當然就唔係啲咩實體組織,只係日本網民們分享自己影相失手,又或者咁啱捕捉 ...
gags
【趣聞】「全日本失敗寫真協會」 錯嘅時間按下快門就會影到咁 ... ... ...
25 Nov 2020
於Coser圈中,唔係話你樣靚身材正就一定多人鍾意,靚得黎你都要Cos得出角色嘅神粹先算係一成功,而如果你兩樣嘢都做得出色,你就可以好似以下呢位「Shirogane_Sama」咁,成為一個有近60萬Followers嘅紅人! Tif ...
girls
【美女】繩縛Tifa太誘人 俄羅斯Coser「Shirogane_Sama」
24 Nov 2020