文:MenClub 魏文青  
POSTED ON 12 Oct 2020

疫情過後,成個社會有好多嘢都唔同哂,例如大家返工嘅可能要Work From Home;做生意嘅又可能要因應市場需要轉型。而喺呢種情況,有時就會出現一啲好奇妙嘅事情。例如日本東京嘅讀賣樂園,為咗提升入場人數,竟然諗到一條絕橋——Work In 主題樂園!

卻說就係疫情之下冇人人場,所以主題公園本身就冷冷清清,另一邊廂一眾白領又因為冇Office返、屋企未必有空間,所以需要一個安靜嘅工作空間,所以園方就決定將部份遊樂場位置開放出黎,等啲白領入去工作!第一個開放嘅就係原屬水上樂園嘅「池畔區域」,平日只需1,900Yen (約HK$140),就可以租到一張檯兩張櫈,兩張沙灘椅、免費電、免費WiFi、免費泊車、免費坐一個鐘摩天輪再加樂園門口溫泉旅館「丘之湯」嘅免費毛巾券,都算係應有盡有!特別係嗰一個鐘摩天輪呀,呢鋪真係天荒地老Working From摩天輪呀!

園方早前公佈相關安排,最快15號開放大眾入場工作,對於佢生意有冇幫助我就唔知,但至少就幾有Gimmick咁囉。