文:MenClub 摯樂  圖:互聯網
POSTED ON 03 Oct 2021
【代步新玩意】Toyota 推出電動三輪車C+walk T作為真代步神器

日本豐田Toyota最新推出三輪代步車C+walk T相當有趣吸引,只限一人使用,可以日常通勤代步,車速唔算快可以係行人道上應用。車仔細細好慳位,廠方話設計目標係比有需要的老人家同有特殊需要工作人群例如保安、商場或機場職員等,但我覺得我都好想用佢代步最好可以揸住佢直接搭地鐵,直接返公司泊喺我個位隔離。不過價錢要二萬港幣好像Out左我緊緻預算。我細細個就想象未來人類係同「菲利」一樣座住架未來scooter四圍走。


日本豐田星期五公佈日本國內市場將會推出一款適合日常工作應用同老年人出行的電動三輪車C+walk T 。C+walk T 具有僅 150 毫米的平坦底座並使用鋰離子電池,主要用於步行區域,車身佔位唔多擁有可愛的比例,但也可能有好多實際創意新應用領域。車身只可容納一個人,具有障礙檢測功能,甚至可以檢測到其他乘客。可以肯定佢無高速速度,而是要以步行速度運作。用家可以通過速度調節開關調節速度。速度有 5 個設定,由 2 km/h 到 6 km/h ,最高設定可以達到 10 km/h。其佔用面積只有 70 x 45 厘米,與行人所佔用的面積相當,轉彎半徑只有 0.59 米。重量則為29KG.


暫時 C+walk T 只限日本市場出售,售價為 341,000 日元(約港幣 23,900),大家日後去日本可能可以租用形式試玩,不過法例所限此車無法係公共道路上使用,只可以係機場、商場等私人地方使用,相信日後日本大型購物商場會有得出租。日本政府方面正研究呢類新型代步具可唔可以類似電動輪椅一樣係公共地方使用。據知廠方正開發加裝座椅或直接推出輪椅連接版本,幫助行動不便或者人家作電動步行工具。


https://global.toyota/en/newsroom/toyota/35872225.html