{ SKIP }
文:MenClub 魏文青  
POSTED ON 19 Apr 2021

近來香港迎來一場「193對153」嘅電視發展隔空辨論,實際上其實就係大家對於年輕人睇電視嘅口味有不同理解 (邊個啱大家心裏有數啦下)。但根據一個研究指出,年輕人其實根本唔多睇電視!即係大家拗黎都冇用,打和!

德勤日前發表「2021電子媒體趨勢調查」,主要係睇美國不同年齡層對於電視、網絡、社交網站等媒體嘅使用習慣。結果就發現,只有10%Z世代 (14-24歲)會以「睇電視」為娛樂活動,比起打機 (26%)、聽歌 (14%)、上網 (12%)及用社交網站 (11%)都要低,換言之班真正嘅「後生仔」根本就唔多睇電視!

值得留意嘅係「千禧世代 (即係八、九十後)」、「X世代 (六、七十後)」及「嬰兒潮世代 (四、五十後)」睇電視嘅比率分別係18%、29%及39%,全部都係該世代中最受歡迎嘅娛樂活動。

圖片:Deloitte Media Trends survey, 15th Edition

調查中另一個發現係,有一半「Z世代」會選擇以社交網站作為接受新聞資訊嘅主要渠道,會睇電視新聞嘅人只有12%;另一邊廂「嬰兒潮」世代就只有8%會透過社交網站接受新聞資訊,睇電視嘅人有58%。

雖然個研究係針對美國人口,但放返黎香港似乎講得通——當你班觀眾個個都七老八十,咁你搵班五十幾歲嘅人黎又的確係「年青人偶像」呀?

研究中另一個發現係,當年估計「千禧世代」長大後嘅行為會跟隨「X世代」及「嬰兒潮世代」,變成大部份人都係睇電視為主,但事實上即使睇電視依然係最受「千禧世代」歡迎嘅娛樂活動,其佔比相較「X世代」及「嬰兒潮世代」就要少得多。換言之世代嘅行為唔會因為年齡而改變。再推論落去就係依家十幾二十歲嘅「Z世代」唔睇電視,再過十年佢哋都係唔會睇電視。咁以步入人生暮年嘅觀眾為主嘅「大台」,過多幾年仲有咩人睇呢?

資料來源:Deloitte Media Trends survey, 15th Edition via Variety
對於香港呢啲大城市而言,陸路自不然係最方便快捷嘅郵遞方法,不過世上有唔少住得偏遠嘅人每日都為超長郵遞時間而苦惱。近年唔少大型電商同科技巨頭就相繼推出無人機送貨服務,最近就連英國皇家郵局(Royal Mail)亦 ...
tech
【無人機送包裹】英國皇家郵政測試用無人機 為偏遠島嶼送郵件
12 May 2021
唔覺唔覺又黎到年中,如無意外距離Apple推出新一部iPhone又只係淨返半年時間,坊問亦開始出現更多iPhone 13嘅傳聞。而據Macrumors嘅報導,iPhone 13其中一個最大「突點」,就係佢個後鏡頭真係好~~~~突! ...
tech
【iPhone】傳聞指iPhone 13後鏡頭激突一倍
11 May 2021