文:MenClub 波特先生  圖:互聯網
POSTED ON 15 Oct 2020

由Garmin推出嘅運動型手錶一向係唔少運動型人士嘅至愛,其全面性嘅運動支援功能,甚至係連Apple Watch都比唔上。而今次Garmin推出VENU SQ智慧腕錶系列,外型上對於過去黎講絕對破格,亦係運動及休閒時尚兼備嘅你另一好選擇,因為呢隻手錶隨時能夠滿足晒你嘅要求。

外型設計上,VENU SQ系列改用簡約俐落嘅方形設計,不再局限只適用於運動期間,顏色選擇亦多,無論係低調還是型格都有我揀。功能方面,你可以下載歌曲至手錶或使用第三方音樂串流平台直接收聽,去街或運動時聽歌都非常方便。

手錶顯示屏用上康寧玻璃鏡面,日常使用不易刮花,同時電池量亦絕對足夠,叉爆一次電夠晒你用足6日。

而手錶除左配備一貫偵測心率、睡眠、壓力指數等功能外,PULSE OX 脈搏血氧感測、飲水追蹤、呼吸頻率偵測、月經週期追蹤和呼吸訓練亦已加入其中,加上安全及追蹤功能中嘅「事故偵測」及「援助通知」,可以即時發送位置比緊急聯絡人,咁無論出外訓練或行山都可以更加放心啦!