文:MenClub 摯樂  圖:互聯網
POSTED ON 08 Oct 2020
【14納米晶片】Intel正式宣布Rocket Lake第11代Core處理器下年首季推出

當台積電晶片去到4納米,而華為可以生產45納米晶片,咁到底是否台積電實在行得太前?話說昨日Intel發佈2021年頭將會推出最新Rocket Lake 第 11 代 Core 桌上型處理器使用都只係14納米製程,要再等下一次12代Core的Alder Lake先會進化去用10納米!咁當然電腦用同手機等細小隨身物品又唔可以一齊比較,總之話你知第 11 代 Core 桌上型處理器將會有出色的遊戲表現,並成為該公司第一款支援 PCIe 4.0 介面的桌上型平台。係 DDR4 記憶體引退前最後一款平台,對應 DDR5 記憶體的平台Alder Lake預計會係 2021 年末至 2022 年登場。係,好多人都話覺得電腦產品已經無咩進步空間。




今日預計Intel的對手AMD將會發表 Zen 3 架構處理器,所以Intel 尋日就係其官方Blog文章宣佈,代號 Rocket Lake 的第 11 代 Core 桌上型處理器確定於 2021 年第一季登場。 Intel 首度證實 Rocket Lake 產品線並預告處理器將會有出色的遊戲表現,並成為該公司第一款支援 PCIe 4.0 介面的桌上型平台。


不過我個人認為呢個係筆記簿電腦中過渡性產品,因為預計下世代的DDR5 記憶體將會係2021 年末至 2022 年登場,即到時第12代Core,10NM的Alder Lake先算係新一代。如今所廣泛應用嘅DDR4記憶體Intel係由從2016年的Skylake開始支援,已用左4年!


第 11 代 Core 桌上型處理器Rocket Lake係Intel最後一個使用 14nm 製程的處理器,原傳聞定於 2020 年末至 2021 年初 CES 亮相,最終上市日期應在 2021 年第 10 週,即係大約 3 月份。Rocket Lake處理器將沿用當前 Comet Lake 處理器的 LGA-1200 封裝形式,但會對應 PCIe 4.0 介面。其實市面上 400 系列晶片主機板皆可透過更新 BIOS 支援新 CPU,部分機種甚至已預先備妥 PCIe 4.0 環境。所以單純只係CPU選擇上的更新,其他對應的硬件大多數唔駛點改變。