文:MenClub 波特先生  圖:互聯網
POSTED ON 10 Dec 2020
Credit: Getty Images

39歲嘅足球員,正常黎講如果你唔係門將的話,正常都已經選擇退役或到較低級別的聯賽繼續生涯。不過世事總有例外,其中就包括效力AC米蘭嘅瑞典神鋒伊巴謙莫域。

喺伊巴嘅帶領下,今季AC米蘭表現令人喜出望外,暫以10戰8勝2和不敗戰績排名意甲榜首,領先第二位嘅國米5分,勢頭強勁。

而講到今季狀態依然出色嘅伊巴,其經理人拉奧拿完全唔會掩飾對佢嘅讚美,甚至直言如果金球獎係由全個球壇嘅人去投票,咁伊巴將可以8次奪獎!

拉奧拿指自己唔係對C朗拿度及美斯不敬,但佢認為伊巴卻係另一個星球嘅人,佢係世界上最全球嘅球員,佢唔單止有美斯嘅天賦,亦有C朗拿度嘅身體質素及勝負慾,所以佢絕對係萬中無一嘅超級球星,你可能會聽到人講某個球員係新C朗、新美斯,但就無人講新伊巴,因為伊巴就只有一個。