文:MenClub 波特先生  圖:互聯網
POSTED ON 20 Oct 2020

今年9月嘅時候,巴塞決定放棄效力球會6年33歲嘅「牙擦蘇」蘇亞雷斯,離隊當日蘇亞雷斯更不捨地落淚,實在令人痛心。

Credit: Getty Images

巴塞清除蘇亞雷斯嘅舉動令唔少人相當不滿,特別係因為球會情願貼錢要求合約仲未完結嘅呢位前鋒即時離隊,實在相當不近人情。

Credit: sportbible

不過有時候世事就係咁,轉投馬體會嘅蘇亞雷斯近況相當出色,開季4場比賽已經交出3個入球1次助攻,助馬體會交出2勝2和戰績,暫時喺打少兩場嘅情況下落後榜首嘅皇家蘇斯達3分,係西甲目前唯一一支不敗嘅球隊。

反觀失去蘇亞雷斯嘅巴塞,雖然只係落後馬體會1分,但近兩場表現卻只係1和1負,表現令人失望,完全被蘇亞雷斯大大力掌摑,唔知佢地一班高層有無後悔放走呢位神鋒呢?

不過就算被巴塞無情對待,蘇神亦都相當念舊情,之前已經明確表示即使對住巴塞入波亦唔會慶祝,以德報怨咪就係呢啲囉,Respect!