{ SKIP }
文:MenClub 艾力克  
POSTED ON 29 May 2023

由黑人女歌手Halle Bailey主演嘅真人版《The Little Mermaid(小魚仙)》上周四正式上映,據外媒《Deadline》報導,該片北美開畫首4天斬獲1.175億美元,而海外票房則收6,830萬美元,全球票房合共約1.86億美元,成績超越2019年真人版《阿拉丁》(北美首4天票房為1.168億)以及兩部《黑魔后》系列電影。但由於《小魚仙》電影製作成本高達2.5億美元,能唔能夠回本仍然係未知之數。

至於評價方面,雖然唔少影評人都彈部戲「參差不齊」甚或「平庸」,但影評網站Rotten Tomatoes(爛番茄)上卻獲得95%新鮮度超高觀眾評分,與《魔戒二部曲:雙城奇謀》、《沉默的羔羊》等經典並列。但值得注意嘅係,呢個95%評分係由有買飛入場且通過認證嘅「認證用戶」交出,若然將評論檢視改為「所有用戶」,評分將跌至56%新鮮度,若仔細研究每一則影評亦可以發現觀眾反應非常兩極,一係畀五星,一係就畀一星。

憑藉《小魚仙》人氣急升嘅Halle Bailey,緊嚟仲會出演由史提芬史匹堡監製嘅音樂劇《The Color Purple》,故事改編自Alice Walker同名小說,以美國喬治亞州鄉村地區為背景,講述1900年代初期南方黑人婦女生活,預計今年12月25日北美上映。

資料來源:DeadlineColliderboxofficemojo
世界知名嘅日本動畫片商吉卜力工作室近日宣佈,將會接受日本電視台 (NTV) 收購部份股份,未來會成為NTV旗下嘅子公司。而喺吉卜力及出嘅公告中,創辦人之一兼現任社長鈴木敏夫就表示,「將公司交畀外人係更好嘅選擇」 ...
hobby
【動漫】吉卜力主動要求日本電視台收購 釩木敏夫:「交畀外人更好」
25 Sep 2023
一段簡單而溫馨嘅動畫廣告,令唔少厭倦政治正確嘅歐美網民感到欣慰。
hobby
【網絡】日本麥當勞「傳統家庭觀念」廣告意外引起歐美網民熱議
25 Sep 2023