文:MenClub 波特先生  圖:互聯網
POSTED ON 21 Oct 2021

《高達》絕對係男人嘅浪漫之一,女人係絕對唔會明白的,I know you bro!而鍾意玩高達模型嘅你,無論喺砌嘅過程、上色、設計Pose,都係令人沉醉的,同時亦都包括欣賞其他人嘅完成品。

近日,TAMASHII NATIONS就於旺角舉辦ROBOT魂ver. A.N.I.M.E.高達Figure展,展覽焦點在上色完成品可動高達Figure系列,全系列一共超過80款機體,並主打以精緻造型及高可動性重現高達動畫入面讓人印像深刻嘅名場面,絕對令人充滿回憶。

唔單止高達,今次展覽仲有《鬼滅之刃》及《咒術迴戰》兩大近期最受歡迎之一嘅動漫區域,以及Marvel展區,當中不乏精美嘅Figure及相關物品,Fans們絕對唔可以錯過!!

「ROBOT魂」= 萬代Bandai長年以來積累嘅技術,加上對機械人嘅熱愛所創造出來嘅高端機械人FIGURE。憑藉最先進CAD技術,加上造形職人巧藝,編織出「造形的精妙」,令機械人FIGURE以精緻嘅完成度立體化。

「ROBOT魂」之中,「ver. A.N.I.M.E.」系列嘅目的係要重現記憶深刻嘅動畫名場景。除採用最新嘅可動結構,其造形上更加添原作般動態嘅比例及密度感,令機體能夠再現劇中精細動作,係機械人FIGURE中嘅完成版。