POSTED ON 15 Sep 2021
| 【創意】唔怕踩中《自動執狗屎機》快速方便自動打包清理好方便 | |
人生最可怕的回憶之一係「踩屎」！唔知大家有無經歷過？有無笑過朋友踩過屎呢！我知你中過唔會認但如果你有狗狗，又唔識培訓佢去適當地方大小便，咁你就絕對要讚賞下呢部最新發明《自動執狗屎機》。香港人居住環境唔大，擺部機係屋企巡邏狗屎係過份緊張，但如果你有個花園住村屋甚至已移居海外，《自動執狗屎機》真係幫到你！踩屎經歷真係好很恐怖，唔信你Tag你踩過屎的朋友回憶下！  今次介紹呢部Beetl公司產品，上年狗展已經展出過，不過如今實際出售。《自動執狗屎機》擁有移動功能，無論室外定戶外都可以使用。主機配備有前鏡頭等偵測系統，可以係平地上檢測狗集的便便，一但發現目標就會開過去進行回收處理，機內有一個密封包裝機，用來處理回收返來的便便，乾淨衛生。另外呢部機器仲可以作人為設定，如果主人事先設定好清理範圍，咁機器就會係設定好的區域內檢測狗便，如果係去戶外野餐郊遊的場合，咁準備好機器就可以係唔駛浪費人力的狀態下，輕鬆幫你清理狗狗的排泄物，你就可以更舒服享受休閒時光絕對唔會讓身邊的人踩屎。 
 其實部機有點類似自動吸塵機，不過要處理的唔係塵埃，而係「便便」，但你的毛孩狗狗見到部機會唔會好興奮當玩具追住玩定嚇到週圍大小便就唔知啦！  |
|
