{ SKIP }
文:MenClub 艾力克  
POSTED ON 31 May 2021

唔知大家仲記唔記得以前Windows個嗰鬼死咁大聲嘅開機音效呢?雖然聽落確實幾醒神同有儀式感,不過有啲情況就會搞到非常尷尬。尤其當年會趁屋企人瞓晒覺而偷打機嘅朋友,如果唔記得熄喇叭,一啪著粒開機制就要有「藤條炆豬肉」嘅心理準備。而返工遲到嘅朋友,當你以為可以偷偷地鼠返埋位嗰陣,分分鐘一個開機音效就出賣你。幸好Microsoft從Windows 8開始取消默認開啟開機音效,從而減少好多不必要嘅尷尬。近日Microsoft前員工就透露,原來佢都係因為受開機音效困擾,先決定取消音效。

近日Windows用戶體驗團隊前總監Jensen Harris,喺佢個人Youtube頻道透露點解會取消Windows開機音效。據了解,從Windows 3.1已經有開機音效,經歷N代改版之後,Microsoft最終喺Windows 8取消默認開啟開機音效。Jensen Harris解釋,由於當年佢屋企多咗個新成員,怕夜晚用手提電腦嗰陣會嘈醒BB同埋老婆,繼而萌生取消開機音效嘅想法。佢認為電腦設計成一個最私人同私密嘅空間,無論朝早定係夜晚都好,開機音效都係一個好糟糕嘅功能,於是就叫同事刪除音效。

所以大家從Windows 8打後就好少再聽到有開機音效呢樣野,我特登搵咗條歷年開機音效片畀大家回味一下,唔知大家第一次用電腦嗰陣又係咩版本嘅Windows呢?

資料來源:[email protected] Harris

近日紐西蘭警方罕有地係官方facebook頁面上載咗一條影片,分享一名4歲小朋友打電話報警的趣事,內容係小男孩致電111求助,向接線生表示有一些玩具要同警察姐姐分享!接線員了解後回電該地址其家人證實並無緊急狀況。 ...
hobby
【下次唔好啦!】紐西蘭四歲小朋友報警向警察展示新玩具警方趕到即場分享
21 Oct 2021
【日式創意】中國網易熱烈討論日本對中國人生活中最有貢獻的發明? 中國網易近日熱烈討論日本成功對中國人生活最有影響力的發明,的確日本創意真係好強大,隨口講源自日本的發明都影響深遠超出四大,不過跟據大 ...
hobby
【日式創意】中國網易熱烈討論日本對中國人生活中最有貢獻的發明?
21 Oct 2021