文:MenClub 波特先生  圖:互聯網
POSTED ON 26 May 2021

《進擊的巨人》入面利維爾兵長絕對係最重要嘅角色之一,佢除左係斬殺巨人最重要嘅戰力,性格外冷內熱,同時係一名重度潔癖者。因此,一款掃地機械人「Roborock S6 Pure 進撃的巨人 利維爾兵長語音版」將於6月推出。

利維爾兵長雖然係調查兵團最強戰力,最鍾意斬殺巨人,但同時佢亦都非常鍾意打掃地方,因為佢係一名極度潔癖人士,只要有唔乾淨嘅地方就會出手。

所以今次呢款掃地機械人「Roborock S6 Pure 進撃的巨人 利維爾兵長語音版」就完全將利妝維爾兵長機械人化,當佢運行嘅時候仲會講野添「區域掃除開始,我嘅使命就係將呢個睇起黎好似垃圾嘅房間打掃到一塵不染,賭上性命。」、「中止掃除,自己選擇不會後悔嘅路吧。」、「掃除結束,這才是正式嘅掃除,知道嗎?」等,而收錄嘅語音更多達104段。

預計呢款商品將於6月1日喺東京發售,巨人嘅Fans真係點可以錯過?!