{ SKIP }
文:MenClub 摯樂  圖:互聯網
POSTED ON 18 Apr 2021
【中國騙案】假冒 AMD 官方聲稱全國Radeon RX 580 顯示卡有問題要回收換NVIDIA卡

係中國騙徒手法層出不同,最新的騙案居然有人假冒 AMD 官方,聲稱旗下 Radeon RX 580 顯示卡電路設計有瑕疵會有安全問題,向消費者召回 Radeon RX 580 顯示卡並提供換貨補償方案,換成 NVIDIA 的 GTX 1060 3GB 或是 GTX 1050 Ti顯示卡甚至真係退錢。實際上係一場騙案想騙取用家的Radeon RX 580 顯示卡。因為全球陷入晶片短缺新卡唔夠,比特幣價格又暴升掀起中國一陣挖礦熱潮,單純挖礦效率Radeon RX 580 一日有機會可掘到3美金一倍遠超其他顯示卡,因此偷呃拐騙都要智取Radeon RX 580瘋狂挖礦。


比特幣價格高企故此中國國內有一個非常強大的挖礦熱潮,好多人係中國挖比特幣,而作為挖礦神器的 Radeon RX 580 顯示卡絕對係「一卡難求」。二手非但水漲船高,想買都買唔到。於是為左得到神器,中國竟出現新的詐騙手法,利用經銷通路商假冒 AMD 官方,聲稱電路設計有瑕疵,向消費者召回 Radeon RX 580 顯示卡。好在今次算係良心騙徒,呢場騙案真係貨換貨又或肯賠錢,對普通遊戲玩家而言,將 Radeon RX 580 顯示卡換成 GTX 1060 3GB 或 GTX 1050 Ti 其實無咩大分別,是同級可用。但對於挖礦而言就差天共地,因為 Radeon RX 580 的挖礦效能相比 NVIDIA 的兩款顯卡好好多。唔講唔知單從挖礦效率睇,GTX 1060 3GB 一日大概可以賺取 1.2 美金,而Radeon RX 580 一日收入大約有 3 美金,係 GTX 1060 3GB 一倍以上;所以 Radeon RX 580 由於其優異的性價比,被市場評為最佳的採礦 GPU 之一成為騙徒目標。


對此,AMD 中國係微博發表官方聲明,指出近日發現有商家盜用 AMD 公司的名義與商標,向用戶發送 580 4G&8G 顯卡詐欺性召回計劃,以子虛烏有的「召回」說法,要求用戶退換 Radeon RX 580 8GB/4GB  顯卡。此信息內容純屬虛構,Radeon RX 580 顯卡唔存在「電路設計的安全隱患」以及在虛假訊息中提及的任何所謂「問題」,目前 AMD 亦未對包括 Radeon RX 580 顯卡在內的產品宣稱採取召回的措施。同時,對個別商家盜用 AMD 名義與商標發布有關 AMD 產品虛假信息的行為,將保留追究其法律責任的權利,也請廣大消費者不要輕信此類虛假信息,謹防合法權益受到損害。唔知呢場算唔算中國特色騙案?



Zack Snyder喺2007年上映嘅成名之作《戰狼300》,講述300名斯巴達勇士面對實力懸殊嘅波斯大軍仍然堅毅不屈,死守溫泉關抵抗入侵,加上拳拳到肉嘅打鬥場面,簡直就係男人嘅浪漫。最近Zack Snyder就透露,其實佢一早寫 ...
hobby
【影視】Zack Snyder:我已經寫好第三集《戰狼300》劇本 但華納唔收貨
18 May 2021
根據科學期刊《Scientific Reports》一項研究報告,研究人員喺首爾漢江驗出河水含有高濃度「偉哥」以及其他陽痿治療藥物,愈接近遍佈娛樂場所嘅江南地區,檢出嘅濃度就愈高。而且每逢到咗星期五及周末,河水「偉哥」 ...
hobby
【夜夜笙歌】研究人員發現韓國漢江河水含高濃度「偉哥」 疑似同附近夜場有關
18 May 2021