文:MenClub 摯樂  圖:互聯網
POSTED ON 25 Nov 2020
【影音】英國MISSION平價入門系列喇叭 LX MKII易推聲優

係屋企睇戲除左買Soundbar外,好多人都會想用合理唔貴的價錢玩多聲道家庭影院音響入門,你需要的除左一部好的AV AMP,就係選擇平靚正的喇叭,而一對前置喇叭同一隻中置喇叭尤為重要,係性價比基礎下英國Mission全新LX MK2系列喇叭特別抵玩,易推清晰微動態高分析力兼具音樂感,可能今年市場異變想力推宅經濟,廠方將好多高階旗艦技術下放,另類減價,個人認為Mission新款係超越價格水平的抵玩之選。

英國喇叭製造商 MISSION 向來以倒轉高音設置的喇叭聞名,實際上引人入勝的係英式音樂感之餘有非常合理的價格。最近MISSION更新左入門系列喇叭 LX 系列 的產品線,經過四年的第一代LX,今次升級版的LX MKII居然引入 旗鑑 ZX 系列和 QX 系列的創新技術,以第一代 LX 喇叭屢獲殊榮的設計為基礎,對喇叭單元、分頻器和箱體進行左一系列改進,更擴展至 9 款型號,無論大中細所有尺寸喇叭全齊。直接講Mission LX MKII係最適合初入門開始組建家庭影院的朋友,因為佢除左基本幾好聲外,超級易推,對初玩來講無特別挑剔於選擇AV AMP,就算買最入門推動力一般的擴音機都可以輕鬆簡單推出好聲。

MISSION LX MKII 外觀清雅大方分「深邃黑」和磨砂「典雅白」兩種,另有木質風格胡桃木色。喇叭頭先提過一共有9種型號:三款書架式喇叭(LX-1 MKII、LX-2 MKII、LX-3 MKII),三款座地式喇叭 (LX-4 MKII、LX-5 MKII、LX-6 MKII),兩款家庭影院中置喇叭(LX-C1 MKII、LX-C2 MKII)和 3D 環繞聲喇叭(LX-3D Surround MKII)方便根據唔同房間大細組建。個人的心得係有大食大重鎚出擊係中置,然他左右前置喇叭,後面其他環繞反射等再慢慢思量,中置睇戲出人聲重點,左右聽歌靠哂佢,其他主要擺放設置考驗。

簡單介紹一下MISSION LX MKII 喇叭,高音單元向來係MISSION驕傲嘅設計,自豪的「IDG 反向驅動幾何學」,即中低音置於上方,高音置於下方特別調準時間相位。MISSION 將 IDG 技術延伸至 D’Appolito排列,令高音與中低音聲音可以同步到達耳朵。單元方面,高音採用釹磁體的25mm 纖維軟膜半球形高音單元;新版 DiaDrive雙層中/低音單元,以無錐、無防塵蓋的音盆弧度呈現最佳的工作控制力;四階分音器分配呈現立體空間音場,同時可以呈現銳利的聲音細節。而今次仲利用簡單但有用的方式承襲高階型號設計將高音與中低音/低音音盤的外框更新為梳狀齒型濾波飾圈,目的可以打散回饋至單元的繞射音染。

老老實實,心動係主要來自睇到MISSION 的價單,一般介紹音響好少多提價格,但MISSION真好抵玩又幾好聲,相信有心想試玩下家庭影院非常值得去了解試聽,然後輕鬆入門。

Mission LX MKII 系列售價:HK$2,380(LX-1 MKII),HK$2,980(LX-2 MKII),HK$3,980(LX-3 MKII),HK$6,780(LX-4 MKII),HK$8,980(LX-5 MKII),HK$12,380(LX-6 MKII),HK$2,480(LX-C1 MKII),HK$3,480(LX-C2 MKII),HK$2,980(LX-3D MKII)

 

 

查詢及預約試聽:POMA(+852 2429 8148)