文:MenClub 摯樂  圖:互聯網
POSTED ON 19 Nov 2020
【鬼滅】神人以氣象準確分析《鬼滅之刃無限列車篇》決戰日期

《鬼滅之刃》大熱,成為新一代國民大作,各路專家神人湧現,日本有氣象專家森田正光睇完套《鬼滅之刃 劇場版 無限列車篇》後利用佢專業推測出劇場版故事決戰時刻發生的史實時間係104年前大正 5 年(1916 年)11 月 18 日的深夜直到 11月19 日清晨6點之間,你想唔想知點樣準確推測呢?


日本氣象專家森田準確推論話大戰係大正 5 年(1916 年)11 月 18 日的深夜直到 11月19 日清晨6點之間,到底點樣可以得出呢個結論?話說首先係要參考返《鬼滅之刃》第一集,據推論《鬼滅之刃》時代的結論,第一集的發生時間約為大正元年 12 月(1912 年),經歷拜師學習、進入鬼殺隊,炭治郎一行人登上無限列車時已是大正 5 年(1916 年),而列車上乘客都穿著外套,地上無積雪,可能在初冬 11~12 月間。


然後再觀望月色,以科學推斷月亮之所以有陰晴圓缺,係因為月球、地球、太陽會隨時間變換相對位置,觀測者會從不同角度睇到月球反射太陽光的部分。以北半球月齡舉例,朔是全黑狀態,新月是最早能被看到的眉月,約在農曆初二到三,上弦月的出現時間係從新月起算的 7 天,滿月在第 14~15 天,下弦月則是在第 21 天。而在《鬼滅之刃 劇場版 無限列車篇》出現的月亮已升上地平線,月齡是 23,屬下弦月,這時的敵人魘夢正好就係十二鬼月的「下弦之壹」。日本國立天文台網站記載,大正 5 年 11 到 12 月當中月齡為 23 的日子,包含 11 月 18 日和 12 月 19 日的深夜。12 月 19 日月亮升起的時間是凌晨 0 點 32 分,11 月 18 日則是晚間 11 點 50 分。以劇場版畫面中的月亮高度嚟睇,時間會係凌晨 2 點半,故唔可能係 12 月 19 日,推測為 11 月 18 日較合理,而隔日日出時間係 19 日早上 6 點 20 分。


因此有結論,《鬼滅之刃 劇場版 無限列車篇》的決戰時刻就是大正 5 年(1916 年)11 月 18 日的深夜到 19 日的早上 6 點左右。到底點解睇一部動漫可以有如意強大的推論將佢史實化?可能我們都真係好鐘意《鬼滅之刃》,作為香港人我地尤其要有強大的內心............係呢?你睇左幾多次?