文:MenClub 魏文青  
POSTED ON 17 Nov 2020

近日某個香港政府團隊,使用與日本大熱動漫《鬼滅之刃》非常相似嘅圖像作宣傳之用,日本官房長官加藤勝信於今日下午接受傳媒訪問時指,保護日本製造的動畫的權利很重要,表示將採取適當措施。

圖片:Reuters

據日本《Reuters》報導,加藤勝信長官拒絕談論「個別例子」,就話日本政府嘅相關部門一直都有研究如果處理盜版網站問題,並直指「保護日本動漫嘅權利非常重要」。路透社報導指,香港警察近日於一個反欺詐活動中使用咗非常類似《鬼滅之刃》主角炭治郎嘅形象。

值得留意嘅係,加藤勝信長官提到嘅「盜版網站」其實並不單單指二次創作侵權,更直接嘅係指非法漫畫翻譯、動漫翻譯等網站。雖然呢啲行為真係犯法,但你話如果因為呢單嘢,搞到大家以後冇漫畫、動畫睇…咁就大件事囉。

資料來源:Reuters