話說有個朋友去海灘帶望遠鏡，畀老婆嬲嬲豬放上網爆鬧，的確去看海帶個望遠鏡有鐵用麼？要帶當然帶全新 Canon眾籌平台推出全新PowerShot Zoom 望遠鏡相機，除左可以當望遠鏡用，仲可以影埋相，用來代替手機長焦鏡頭最好，用來睇波一流，我指去球場。

呢件 PowerShot Zoom 口袋型望遠相機，並非Canon官方產品，而係 Canon 聯乘 Makuake 合作的第二款產品，機身重量僅 145 克，非常輕巧設計專門設計適合用於球賽觀賞，透過按鈕調整，可於等效焦距 100 / 400 / 800mm 自由切換。不過官方就指出，800mm 係屬於數碼變焦，因此畫質會有所下降。相機靜態拍照畫質為 4000×3000 像素；動態攝影限制係 1080P 30 / 24fps、單次最長拍攝時間約 10 分鐘。眾籌價格 31,460 日幣，約港幣2315，預計 2020 年 11 月正式供貨。

呢個 PowerShot Zoom 按鈕不多簡單易用，只得頂部的長焦切換鍵、電源開關以及選單；下方則提供錄影、拍照等獨立按鍵，無其他特別功能，感覺似即影即有型玩樂相機仔。PowerShot Zoom 內建 USB-C 連接埠，包裝盒附送充電器、USB-C 充電線以及掛繩。目前眾籌人數已達 999  名，募得金額已超過 3 千萬日幣（已結束），除左日本美國確定在 11 月下旬上市，定價約 300 美元。相信香港都即將可以買到呢個 Canon睇波神器。