文:MenClub 摯樂  圖:互聯網
POSTED ON 12 Oct 2020
【閃電戰】美國國防部聯同SpaceX研究利用火箭太空彈射運送軍用物資

美國國防部運輸司令部聯同Elon Musk太空企業SpaceX研究利用火箭透過太空彈射運送軍用物資,成功的話幾分鐘內向地球上任何一點都可空投緊急物資。軍事補給以後將會有如打機隨天而降,當然技術上可行但細節方式以及預備時間等等仲需要更多研發同改進,照呢個邏輯未來圍城慘戰已唔可能再出現。



理論上,由加州范登堡空軍基地發射的火箭可以進入近地軌道,之後重新進入地球上幾乎任何地區的大氣層。火箭可以係30分鐘甚至更快速就可以運送一架C-17 Globemaster III重型運輸機的物資,而傳統運輸機需要12個鐘飛行速度由加洲飛去日本沖繩。 而且火箭唔需要空中加油亦唔需要經過飛越任何外國領空,直接發射就目前呢一刻,火箭作為運輸工具係安全, 暫時冇任何國家能夠沿著預想路徑將火箭直接係太空擊落。


SpaceX的星際飛船,係一個高達49公尺的巨型火箭,可以將人和貨物運送去月球、火星甚至可能更遠的地方,而佢作為軍用其實可以係地球上快速「跳躍」。星際飛船可以搭載100噸貨物,而C-17飛機只可以搭載85噸。運輸司令部與SpaceX目前正研究兩種可能的運輸方式。第一種涉及由美國的某太空基地到外國運輸目標的直接飛行,第二種是將補給預先定位係太空飛行器的軌道上,然後再慢慢就目的地的設整必要時迅速脫離軌道並著陸。呢兩個方法都可以係大約1小時或更短的時間內完成運輸。

雖然技術上已經可以做到,但仲有好多細節需要考量,例如成本同太空運輸任務的準備時間,運送一個鐘準備就唔止十個鐘,暫時要做一次太空運輸任務的準備可能需要幾日、幾週甚至幾個月的時間。火箭必須為太空飛行做好準備,這個過程包括將其安裝係發射台上,為火箭加油以及安裝有效載荷等等。而且發射受天氣情況影響,如遇上天氣惡劣前線軍事就要等.....Loading…..Loading…當然最大問題係成本,軍事太空運輸必須面對的最大問題,成本非常貴。一艘能夠搭載25噸有效載荷的SpaceX獵鷹9號火箭發射成本為2,800萬美元。不過SpaceX估計,星際飛船每次的發射成本可能只需200萬美元。對比一下,利用C-17 Globemaster III運輸機由加州到日本的12小時飛行成本為31.2萬美元。未計KC-135平流層空中加油機任務的成本。日後係再就成本控制同研發後,希望可以將成本減低,然而如果可以快速應對軍事上的優勢速戰速決,相信係無價! 


唔好忘記,美國可以用火箭運輸物資,我地中國一樣可以,中國都可以發射火箭去太空,比賽未完未到最後都唔知邊個國家最快成功賞握同做到太空火箭物資補給。