文:MenClub 魏文青  
POSTED ON 04 Feb 2021

大家有冇發現好多以前非常珍貴嘅食材,近年都會出現喺普通餐廳嘅菜單之上?例如隨便一間茶記都有黑松露炒蛋、隔兩間又話有生蠔、就連「和牛」呢兩隻字都變得非常普遍——普遍到你都懷疑究竟係真唔係。所以日本畜產物輸出促進協議 (J-LEC) 日前就於香港推出「全球和牛標章」認證,以後只需要用手機嘟一嘟就知道自己食緊嘅係咪真係日本和牛啦。

根據日本官方標準,只有日本出產的純種和牛才能稱之為「和牛」,而日本國內每一隻純種和牛都會向相關方面進行登記,理論能夠追查出該隻和牛上三代嘅族譜,最遠更加能追溯到14世紀,亦即「全球和牛標章」認證。而自即日起,香港嘅大眾就可以於販賣和牛嘅地方搵到「和牛個別識別二維碼」,只要用手機嘟一嘟就能夠查到該隻和牛嘅相關情報,咁就輕易知道自己食緊嘅係咪正宗和牛啦!

而由即日起至2月尾,只要於指點商戶、餐廳購買指定正宗日本和牛產品、完成網上簡單問卷,再將和牛照片分享至社交媒體,再加上「#GetWagyu」標籤就可以得到額外和牛商品。詳情可以參閱相關網頁。

資料來源:Get Wagyu