文:MenClub 魏文青  
POSTED ON 27 Mar 2023

日本寫真界人才輩出,近日就有一位身材豐滿,樣貌可愛,甫一出道就已經被封為「最胸新人」嘅新人「三田悠貴」橫空出世。不過佢本人似乎就唔太滿意自己嘅身材,而唔滿意嘅地方,就係「心口太軟」。

現年24歲嘅三田悠貴,其實係半年前先與經理人公司簽約正式入行,而近日為《週刊Young Jump》拍攝寫真,就係佢嘅水著出道作。據佢於訪問中透露,細個嘅時候佢其實好唔鍾意自己上圍太豐滿,而且因為佢有打羽毛球,而一般羽毛球運動服又頗為緊身,所以就會被男同學取笑,搞到佢只敢著鬆身運動衫。好在後來得到媽媽鼓勵,開始接受身材係自己嘅武器,並開始對水著寫真產生興趣,大家先可以欣賞到佢嘅作品咋。

不過佢亦透露,即使進入寫真界後,佢嘅上圍依然為自己帶來「幸福的煩惱」。主要就係因為佢心口實在太大又太軟,所以要換泳衣、比堅尼時相當麻煩。而佢接下來嘅目標,就係努力鍛練胸肌,但上圍保持堅挺。或者大家可以期待下佢之後嘅身材變化呢?

IG:mitachan_y