文:MenClub 魏文青  
POSTED ON 21 Mar 2023

大家都知日本好興為不同技能設立「執照制度」,例如電競選手有牌考、溫泉鑑賞有牌考,就連職業麻雀士都有牌可以考。而今日要介紹嘅呢位「日下部ほたる」,除咗身材出名之外,更出名嘅就係佢乃係一個擁有30個不同執照嘅人。

剛於1月中踏入30歲大關嘅「日下部ほたる」,早於2015年就已經擔任活動女郎而開始幕前生活,再於2017年開始寫真女星之路,曾經一個星期舉行4場攝影會而自稱「日本最高出鏡率模特兒」。近年就因為想於30歲之前考到30種不同嘅執照而努力,去年甚至幾乎停工,最後挑戰成功,考到包括一級漢字檢定、一級船舶執照等30個執照,成為一時話題。

完成挑戰後,日下部ほたる表示今年會較為集中於個人發展,希望利用考落嘅資格去進行唔同嘅挑戰,例如親自開船同Fans進行見面會或簽名會。同時佢亦重拾寫真工作,於日前推出第四隻個人寫真DVD,而且為咗配合佢「30個執照」嘅形象,佢仲一次過獻上8種不同職業造型,每個造型都係著住「非常少布的泳衣」作出「非常劇烈的運動」。好似幾值得期待喎。

IG:hotaru_kusakabe