文:MenClub 魏文青  
POSTED ON 16 Mar 2023

科技發展拉近人與人之間嘅距離,同時亦令大家接觸嘅資訊大爆發,甚至令唔少人產生疲倦感,所以近年就開始有人自稱有「社交恐懼」,可以的話都儘量唔想見人。而今晚要介紹嘅呢位「佐々木ちょこ」亦自稱有社交恐懼,不過睇黎佢一係就唔見人,一見就係除衫示人。

今年26歲嘅「佐々木ちょこ」,曾經於迪士尼以及幼稚園中工作,兩年前先出道成為水著女星。不過佢出道早期都只係活躍於個人社交平台以及攝影會之中,本月初先推出首隻寫真DVD,與一般寫真女星嘅事業發展進度相比算係有啲遲。但好在佢個樣非常童顏,唔少日本傳媒都話佢望落似係十幾歲。

「佐々木ちょこ」嘅最大賣點,就係佢燦爛可愛嘅笑容。而且從佢成個IG都係嘅泳衣相,可以見到佢身材凹凸有致,簡而言之就係非常「GF-able」。佢於訪問中提到,其實自己係涉獵多個範疇嘅宅女,動畫、電玩、偶像、迪士尼等佢都鍾意,而且平時係有啲社交恐懼,唔太鍾意出街——咁就啱啦,因為相信大家都會好想同佢一齊喺屋企,甚至淨係喺張床上面我諗都OK架。

IG:chococ719