文:MenClub 魏文青  
POSTED ON 23 Nov 2022

日本唔少寫真女星又或模特兒,都有做過賽車女郎嘅經歷,而且佢哋都有啲共同特質,例如通常都生得好高、對腳超長、通常都仲係散發住「姐姐」嘅氣息。不過近來日本就出現咗一位與別不同、走可愛風嘅賽車女郎「涼雅」,近日佢仲正式踏足寫真界添!

現年19歲嘅涼雅,今年先加入賽車女郎嘅行列,但就已經於7月舉行嘅日本賽車女郎大賞中拎到新人獎,絕對係車場上嘅新星之一。而且雖然涼雅有164cm,以女仔黎講唔算矮,但喺一眾閒閒地都170cm以上、對腳去到我心口嘅賽車女郎之間,個樣仲要非常「妹妹」嘅涼雅就絕對係「異類」,異類到佢當日拎到新人獎之後,網民替佢開心之餘亦都好奇怪:「依家啲賽車女郎係咁嘅咩?」涼雅自己亦坦承,因為外貌同年紀嘅關係,同隊嘅其他賽車女郎唔單止當佢係妹妹,直頭當佢係BB咁看待。

而近日涼雅就正式進軍寫真界,為《週刊Playboy》獻出自己嘅首次水著寫真。據涼雅於訪問時講,佢自己平時都好少會著比堅尼,今次就為寫真獻身。平心而論,身型偏瘦嘅涼雅,未必能夠滿足一眾「肉食系」男士們,不過加埋佢嗰個非常陽光嘅笑容,成件事又睇到你好開心咁囉。

IG:su__taro._.y