文:MenClub 魏文青  
POSTED ON 16 Aug 2022

曾幾何時,香港有個啤酒品牌每隔一排都會搵個靚女黎拍廣告,仲成功捧紅過唔少女星,結果舊年佢哋就搵咗個男嘅黎做代言…整鬼佢好似仲賣得唔錯。另一邊廂,日本著名啤酒Asahi亦有每年搵靚女黎拍廣告嘅習慣,但早前就宣佈正式廢除呢個計劃,而以下呢位今日生日嘅「高田里穂」就成為末代「啤酒妹」啦。

生完日28歲嘅高田里穂,出生於日本福岡,大概喺20歲時加入當地偶像組合「Fortune Cookies」而出道,2007年退團並開始為時裝雜誌擔任模特兒,2010年於《幪面超人OOO》中出演「泉比奈」一角,成為其第一個突破點,隨後以演員身份活躍於日本演藝界,到2020年成為Asahi嘅代言女星,同年仲出演過新版《東京愛情故事》。

雖然高田里穂主要以演員身份出現,但佢亦有繼承日本演藝圈一貫優良傳統,即係久唔久會拍下寫真。官方數字指佢嘅上圍只有30B,數字上就絕對唔算搶眼,但唔知係佢個人真係好瘦定咩,睇相都算係有啲睇頭,而且仲有對白滑長腿,都係幾好睇嘅!

IG:riho__takada