文:MenClub 艾力克  
POSTED ON 23 Aug 2021

相信大家就算未經歷過,都知道以前互聯網未普及嗰陣,上一輩想接觸色情資訊只可以幫襯「一百蚊四隻,愈睇愈大隻」或「龍虎X」雜誌等等,邊似得依家可以上網任睇。最近日本就有位女網友整理亡父書房嗰陣,偶然發現地板暗藏神秘密室,起初佢仲諗入面會唔會收埋咗條屍等奇怪想法,點知一打開就見到大量成人光碟、遊戲卡帶、疑似中古Rolex等「珍貴遺產」。

根據Twitter女網友「白樺香澄」所講,由於全家人都唔知道屋企有個咁嘅暗格,所以發現嗰陣都好驚訝,期後佢亦大方分享所搵到嘅寶物,例如《吸淫力〜史上最強のワイセツ〜豊丸》、《巨乳8人色物語》以及《スーパーカップ オッパイの逆襲》等成人光碟,任天堂紅白機遊戲《轉轉樂園》卡帶等。

可能唔少網友都有唔小心搵到爸爸「珍藏」嘅經歷,所以篇文引起大家共嗚,至今共獲得6萬多個Like以及接近3萬個Retweet,不過後來女網友為咗尊重爸爸名聲,就冇再公開更多相片,唔知大家又有冇試過唔小心發現到長輩嘅珍藏呢?

資料來源:twitter@kasumishirakaba