文:MenClub 艾力克  
POSTED ON 19 Jul 2021

全球疫情持續,唔少人都選擇減少外出居家防疫。最近泰國一位38歲男子就喺屋企百無聊賴,忽發奇想將鎖頭套落下體,點知唔見咗條鎖匙又不能自拔,加上出於尷尬唔敢睇醫生,導致下體嚴重腫脹鎖足14日,最終由母親打電話救助「脫困」。

事件示意圖。

據外媒DailyMail報導,由於男子尷尬唔敢睇醫生,直到下體腫脹發炎先局住搵阿媽尋求協助。阿媽見事態嚴重,隨即致電當地NGO「報德善堂」救助,求護員到場後二話不說就將事主送到醫院治療。醫生喺事主皮膚同鎖頭之間墊上一層金屬片以作保護,隨後用電動刀具切開鎖頭並不斷射水潤滑,經歷30分鐘手術男子下體最終「脫困」,不過醫生就話由於事主太遲就醫,生殖器可能會永遠變形無法還原。

(圖片截自:DailyMailDailyStar

事後男子母親向醫護人員透露,阿仔性格內向亦冇女朋友,最近因為疫情而留係屋企太無聊,加上佢平時又好鍾意將下體放入某啲細嘅窿,先導致今次事件發生,我已經話佢佢好多次唔好咁做。由於私隱問題院方就無公開事主身份,不過就將今次事件公諸於眾,呼籲大家唔好做出傷害自己身體嘅行為。

資料來源:DailyMailDailyStar