文:米  圖:互聯網
POSTED ON 12 Aug 2019

都市人幾乎個個都有電話依存症,無時無刻都要玩電話,用少一秒都會覺得唔自在,玩得多電話,電話自然快冇電,呢個時候,你需要嘅就係佢~登登登登~叉電器!不過坊間嘅叉電器大部分都設計得中規中矩唔太可愛,滿足唔到女朋友嘅少女心。如果巴打你女朋友鍾意貓貓,又想要個可愛嘅叉電器嘅話,咁以下呢款日本超可愛「貓貓叉電器」就絕對冇得輸!

專賣創意雜貨嘅日本連鎖書店VILLAGE VANGUARD,最近就推出咗呢款貓貓叉電器「ANIMAL FACE MOBILE BATTERY」,像真度極高嘅貓樣非常可愛,加上方面設計就增添幾分趣味感!容量方面,「ANIMAL FACE MOBILE BATTERY」有4400mAh電量,仲附埋叉電線、收納袋以及吊繩,方便你帶出街時用,仲叉電器之餘仲可以做埋吊飾掛喺袋度,一物二用呀!

目前「貓貓叉電器」一共有虎斑貓、加菲貓、波斯貓、褐眼貓同藍眼貓5種款式,售價大約4104日圓(含稅),唔知遲下仲會唔會出埋其他動物款式呢?